Abdurahmon Jomiy

Abdurahmon Jomiy (1414-1492) - ulug‘ fors-tojik shoiri, Alisher Navoiyning ustozi.

Qulu ozodga ma’lum va ayon,
Dono tirikdir, o‘likdir nodon.
 
Dunyo bir matokim, uning ketidan hirs qo‘yib yurmagil, o‘tgil yuzidan.
 
Tanang imorati dosh bera oladigan miqdorda tanovul et.
 
Ko‘plar molin berib, mardlik qiladi, Ko‘plar jonin berib, mardlik qiladi.
 
O’tganlar ibratli so‘zini yod et,
O’tganlar yodidan dilingni shod et.
 
To‘g‘rini de, to‘g‘rini ko‘r, to‘g‘ri yur,
To‘g‘ri gapir, to‘g‘ri eshit, to‘g‘ri tur.
 
Quloqdan dilingga gar kirmasa nur,
Sichqon kavagidan ne farqi bo‘lur?!
 
Boylikdan kerilmoq - aqldan nari, Chunki u o‘tkinchi bulut singari.
 
Kibrsizlik lofin urma, uni ko‘rmoqdan ko‘ra qorong‘u tunda chumolining izini ko‘rmoq osonroqdir.
 
Mansab bilan balandmas odam,
Mansab odam bilan muhtaram.
 
Adovat tig‘ini ko‘targan kishi adovat tig‘idan halok bo‘ladi.
 
Dunyoda do‘sting kim, dushmaning kim - boq, ishlaring hisob et, yozilmish qandoq.
 
Har kimdan istama do‘st-oshnolik, har oshnadan kutma sen ro‘shnolik.
 
Kim tortsa adovat qilichin qindan,
Adovat tig‘idan bo‘ladi halok.
 
Dunyoda do‘sting kim, dushmaning kim - boq, ishlaring hisob et, yozilmish qandoq.
 
Dunyoda do‘sting kim, dushmaning kim - boq, ishlaring hisob et, yozilmish qandoq.
 
Har kimdan istama do‘st-oshnolik, har oshnadan kutma sen ro‘shnolik.
 
Kim tortsa adovat qilichin qindan,
Adovat tig‘idan bo‘ladi halok.
 
Hammaga omonlik istaguvchi bo‘l,
Shunda adovatga qolmagay hech yo‘l.
 
Onangdan bosh tovlama, oshmasin dardi,
Sharaf toji erur oyog‘in gardi.
 
Hammadan balanddir ona mansabi.
 
Unutmangki, hasaddan idrok ham kasod bo‘ladi.