Uylanishning shar'iy hukmlari qanday?

Savol: Uylanishning shar'an bir necha hukmlari bor, deb eshitib qoldim. Shu haqda ma'lumot bersangizlar.

Javob: Kishining jinsiy quvvati, oila mas'uliyatini ado eta olishiga ko‘ra, shariatda uylanishning hukmi besh xildir:

1. Uylanish farz - mahrga va ayol nafaqasiga yetarli moli bor, faqat uylanish bilan zinodan saqlana oladigan kishilarga.

2. Uylanish vojib - mahrga va ayol nafaqasiga yetarli moli bor, uylanmasa, zinoga ketish xavfi bo‘lgan kishilarga.

3. Uylanish sunnat - mahrga va ayol nafaqasiga yetarli moli bor, jinsiy munosabatga layoqatli kishilarga.

4. Uylanish harom - mahr va ayol nafaqasiga qodir bo‘lmagan, jinsiy layoqati yo‘qligi aniq kishilarga.

5. Uylanish makruh - mahr va ayol nafaqasini topib berishidan va jinsiy ojizlikdan xavfsiragan kishilarga.

Dinda savolim bor