Mahrga qizning otasi egalik qila oladimi?

Savol: Mahrga qizning otasi egalik qila oladimi?

Javob: Ota yoki valiylar (aka-ukalar) mahrga egalik qilolmaydi. Sahih nikoh aqdidan so‘ng birga bo‘lishgach, mahr shar'an er zimmasiga vojib bo‘ladi. Agar nikoh aqdi paytida mahr miqdori belgilangan bo‘lsa, shuncha miqdor beriladi, belgilanmagan holda mahri misl berish vojibdir.

Ayolning zamondosh va vatandosh hamshiralari, ammalari va amakilarining qizlariga berilgan mahr miqdori mahri misl bo‘lib, ularning bokiralikda, axloq, aql, ilm, odob, yosh, diyonat va go‘zallikda tengligi e'tiborga olinadi. Ayolning aytilgan qarindoshlari bo‘lmasa, mahalladosh tenglariga berilgan mahr miqdori uning mahri misli bo‘ladi.

Dinda savolim bor