Qarz to‘lanishi shart

Savol: Ba'zilar qarz olib, uni to‘lamasdan xotirjam yuraverishadi. Bundaylar haqida shariatimiznima deydi?

Javob: Rasululloh sollallohu alayhi vasallam bunday deganlar: «Allohga qasamki, agar bir kishi Alloh yo‘lida qatl etilsa, so‘ng (qayta) tiriltirilsa, so‘ng yana qatl etilsa (ya'ni, Alloh yo‘lida uch marta o‘lib-tirilsa ham), ustida qarzi bo‘lsa, uni uzmagunicha jannatga kirmaydi» (Imom Nasaiy).

Jamiyatda keng tarqalgan illatlardan biri qarzga beparvo bo‘lishdir. Ba'zilar zarurat yuzasidan emas, balki boyligini yanada ko‘paytirish, orzu-havas ilinjida, nafsining so‘ziga kirib, boshqalardan qolishmaslik uchun qarz oladi. Mana shunday odamlarning biri ikki bo‘lmay, qarzga botib tang ahvolda yuradilar. Imkon bo‘lishi bilanoq qarzini uzmay, uni to‘lashni cho‘zish yoki to‘lashdan bosh tortish qarzdorning xor-zor bo‘lishiga olib keladi. Hadisda aytilganki: «Kim odamlardan qarz olganida uni uzish (qaytarib berish) niyati bilan olsa, Alloh unga yordam beradi. Ammo kim yo‘q qilish (eb ketish) niyati bilan olsa, Alloh uni yo‘q qilib yuboradi» (Imom Buxoriy).

Dinda savolim bor