Masjid mevalarini yeyish mumkinmi?

Savol: Hozir ko‘pgina masjidlarimizda mevali daraxtlar ekilgan va namozxonlar ulardanbemalol iste'mol qilishadi. Bu mumkinmi? Chunki yaqinda shu masalada do‘stim bilan tortishibqoldim...

Javob: Kim bo‘lishidan qat'iy nazar, birov masjid yeriga daraxt eksa, daraxt masjid mulki bo‘lib qoladi. Agar u mevali daraxt bo‘lsa, uning mevasidan yeyish borasida ikki xil rivoyat bor. Bir rivoyatda yeyish mumkin, deyilgan. Ikkinchisida yeyish mumkin emas, deyilgan. Ikkinchi rivoyat sahih (kuchli)dir. Binobarin, mevani sotib, qiymati masjidga kirim qilinadi. Yemoqchi bo‘lganlar sotib olib iste'mol qilishlari mumkin. Bu qoidaga amal qilish imomdan tortib, barcha namozxonlarga barobar («Fatovoi Qozixon»).

Yana shuni eslatib qo‘yish joizki, masjid sahniga soya beruvchi, manzarali daraxtlarni namozxonlar saf tortadigan joylarga ekmaslik kerak («Nisob ul-ixtisob»).

Dinda savolim bor