It so‘lagi tekkan idishni necha marta yuvsa, halol bo‘ladi?

Savol: It so‘lagi tekkan idishni necha marta yuvsa, halol bo‘ladi?

Javob: Itning so‘lagi tekkan narsa harom bo‘ladi. Chunki so‘lak ham, ter ham go‘shtdan ajrab chiqadi. Quduriy (r.a.) aytishlaricha, it yegandan qolgani najasdir. It suv ichgan yoki tekkan idish bizning mazhabda uch marta yuvish bilan toza bo‘ladi. Rasululloh sollallohu alayhi vasallam: «It yalagan idish uch marta yuviladi», deganlar. Hanafiy ulamolarning aytishlaricha, itning siydigi tekkan narsalar uch marta yuviladi, so‘lak esa bavldan yengilroqdir. It tekkan narsani yetti marta yuvish haqidagi hadis uch marta yuvish to‘g‘risidagi hadis bilan nasx (bekor) bo‘lgan («Hidoya»).

Dinda savolim bor