Uzrli ayolning hukmlari qanday?
Savol: Ayollarda istihoza qoni ko‘rish kabi uzrli holat bor. Istihoza qoni qay hollarda ko‘riladi?Javob: Istihoza qoni quyidagi hollarda ko‘riladi:
1. Mubtadia. Balog‘atga yetib qon ko‘ra boshlagan ayol degani. Bunday qizning odati har oyda o‘n kun belgilanadi. Chunki ko‘pi hayz bo‘lmaydi. Har oydan yigirma kun poklik deb qabul qilinadi. Agar davomli qon ko‘radigan bo‘lsa, o‘n kuni odat, yigirma kuni istihoza deb qabul qilinadi.
2. Ilk lohusalik qoni. Qirq kun, pokligi yigirma kun deb qabul qilinadi. Agar qon kelaversa, qirq kun lohusalik, yigirma kun istihoza deb qabul qilinadi.
3. Mutoda. Yana avvalgi odatidan sahih (to‘g‘ri) bo‘laroq qon ko‘rgan, poklangan, so‘ngra esa, davomli qon ko‘rgan odatini ham unutmagan ayol degani. Bu ayol odat va poklik vaziyatidagi odatiga murojaat qiladi, odatidan ziyod ko‘rilgan qon istihoza deb qabul qilinadi. Odat o‘tgach, tark etgan namozlarini qazo qiladi.
4. Mutaxoyyira. Odatni unutgan ayol degani. Bu ayolning ham odatidan ziyoda davom etgan qoni istihozadir. Lekin, bu ayol holati (pokligi, hayzligi) har qanday shaklda hukm etilmaydi. Shar'iy hukmlarning eng ehtiyotli bo‘lgani olinib, amal qilinadi.
Savol: Uzr qoni to‘xtagach, g‘usl shartmi?
Javob: Istihoza qoni to‘xtagach, g‘usl shart emas. Ya'ni, farz emas. Shunda ham, yuvinib-cho‘milish a'lodir.
Savol: Uzrli ayol mahsi kiysa nima qiladi?
Javob: Uzrli ayol uzri davom etarkan, tahorat olib mahsi kiygan bo‘lsa, namoz vaqti ichida takror tahorat olayotganda mahsilar ustiga mash tortadi. Namoz vaqti chiqqach, mahsilar ustiga mash torta olmaydi, maxsisini yechadi. Faqat tahorat olayotganda qon to‘xtagan bo‘lsa, mahsi ustiga mash tortish mumkin. Muqim bo‘lsa, bir kun-bir kecha, musofir bo‘lsa, uch kun-uch kecha mahsisiga mash tortadi.
Savol: Namoz ichida uzr qoni to‘xtasa nima qilinadi?
Javob: Istihozali ayol peshin vaqtida tahorat olib namoz o‘qisa, namozdan so‘ng qon to‘xtasa, ayolning namozi tamom hisoblanadi. Agar tahorat olib, hali namoz boshlamasdan avval yoki namoz ichida qon to‘xtasa, tahorati buziladi. Bu holda o‘qigan namoz ioda etiladi. Ya'ni, qayta o‘qiladi.
Savol: Uzrini ketkaza olsa, tahorat oladimi?
Javob: Uzrini - oqqan qon va shunga o‘xshash narsalarni tang‘ib bog‘lash bilan to‘xtata olsa, joiz. Bu holda uzr ko‘tariladi, ya'ni ketadi. Ammo hayzli va nifosli ayol hatto sizintini to‘xtatishi joiz emas, chunki tashqi ko‘rinishidan to‘xtaganday ko‘rinsa ham, aslida qon oqadi.
Burunning faqat bir teshigidan oqqan qon sababli uzrli bo‘lgan odam tahorat olsa, so‘ngra boshqa teshigidan ham qon oqsa, tahorat buziladi.
U uzr qoni to‘xtagan bir paytda uzrdan tashqari har qanday narsa uchun tahorat olgan bo‘lsayu uzr qoni oqa boshlasa, tahorati buziladi.
Dinda savolim bor
Ko‘p o‘qilgan
- Namoz o‘qish tartibi (rasmlari bilan)
- Peshin, asr, shom, xufton namozlari
- Qur'oni karim ma'nolari va qiroati
- Salovotlar. Istig'for duolari
- Namoz kitobi
- Najotkor duolar
- 6 diniy kalima
- Tahorat olish tartibi (rasmlari bilan)
- Azon
- Namozdan keyingi zikrlar
- Ro‘za kitobi
- G‘usl, tayammum
- Namozdan so‘ng o‘qiladigan boshqa duolar
- Tahorat kitobi
- Islomning o‘zagi bo‘lgan hadislar
- Payg’ambar alayhis-salomning vafot etishlari
- Jamoat kitobi
- Hayit va jum'a namozlari
- Xotinning eriga itoatsizlik qilishi
- Namoz haqida oyat va hadislar
So'nggi maqolalar
- Mujohid ibn Jabr
- Abu Usayd Molik ibn Robia
- Xotib ibn Abu Balto
- Abon ibn Said
- Budayl ibn Varqo
- Abu Sa’laba Xushaniy
- Abu Umoma Bohiliy
- Abu Mahzura Jumahiy
- Abu Abs ibn Jabr Ansoriy
- Rofeʼ ibn Xudayj
- Zaydul Xoyr
- Ummu Kulsum binti Uqba
- Qays Ibn Sa’d
- Navfal ibn Horis
- Solim ibn Ubayd
- Ka’b ibn Zuhayr
- Mehron ibn Mofina
- Hanzala ibn Abu Omir
- Abdulloh ibn Muborak
- Qutayba ibn Muslim
2004-2024 © islom.ziyouz.com. Saytdan materiallar olib chop etilganda manzilimiz ko‘rsatilishi shart.