Ikki shahodat kalimasi juda sharafliligini bilamiz. Bu kalimalardan murod nima?
Savol: Ikki shahodat kalimasi juda sharafliligini bilamiz. Bu kalimalardan murod nima? Shu haqda to‘liq ma'lumot bersangiz.
Javob: Islomdagi ikki shahodatdan maqsad "Ashhadu alla ilaha illallohu va ashhadu anna Muhammadan ‘abduhu va rosuluh"dir. Ya'ni, "Allohdan boshqa iloh yo‘qligiga va Muhammad alayhissalom Allohning bandasi va rasuli ekaniga iqrorman". Imom Buxoriy va Muslim Abdulloh ibn Umar roziyallohu anhudan rivoyat qilgan hadisda: "Islom besh narsa ustiga bino qilingan: "La ilaha illalloh va anna Muhammadan rosululloh", namozni ado etish, zakot berish, ramazon ro‘zasini tutish va yo‘lga qodir bo‘lsa, Baytullohni haj qilish", deyilgan. Bu hadisi sharifda Rasululloh sollallohu alayhi vasallam ikki shahodat kalimasining Islomning boshqa tayanchlari uchun asos bo‘lishini aytganlar. Agar inson ushbu ikki shahodatni o‘zida mujassam qilmasa, namozi ham, zakoti ham, ro‘zasi ham, haji ham qabul bo‘lmaydi. Shuning uchun ulamo-lar: "Insonda mana shu ikki kalima yo‘q bo‘lsa, Islomi ham ariydi", deb aytishgan.
Ikki kalima shahodatidan maqsad - faqat til bilan nutq qilib qo‘yish emas. Inson uni qalbi bilan tasdiqlab, so‘ngra iymoni tasdig‘ini tili bilan ta'bir etgandagina mo‘min bo‘ladi.
"La ilaha illalloh" shahodatining ma'nosi "Allohdan boshqa iloh yo‘q"dir. U butun olamlar Rabbidir. Yeru osmonni yaratgan Zotdir. Qur'oni karimda bunday zikr etilgan: "Ilohingiz yagona Ilohdir. U mehribon va rahmli Ilohdan (yolg‘kz Allohdan) o‘zga hech qanday iloh yo‘qdir" (Baqara surasi, 163-oyat).
Shahodatning ikkinchi bo‘limi - "Ashhadu anna Muhammadan rosululloh"ning ma'nosi Muhammad alayhissalom Alloh tomonidan yuborilgan elchidir. Alloh amr etgan va qaytargan narsalarni insonlarga aniq va mukammal yetkazgandirlar. "Kimki Payg‘ambarga itoat etsa, demak, Allohga itoat etibdi" (Niso surasi, 80-oyat).
Dinda savolim bor
Ko‘p o‘qilgan
- Namoz o‘qish tartibi (rasmlari bilan)
- Peshin, asr, shom, xufton namozlari
- Qur'oni karim ma'nolari va qiroati
- Salovotlar. Istig'for duolari
- Namoz kitobi
- Najotkor duolar
- 6 diniy kalima
- Tahorat olish tartibi (rasmlari bilan)
- Azon
- Namozdan keyingi zikrlar
- Ro‘za kitobi
- G‘usl, tayammum
- Namozdan so‘ng o‘qiladigan boshqa duolar
- Tahorat kitobi
- Islomning o‘zagi bo‘lgan hadislar
- Payg’ambar alayhis-salomning vafot etishlari
- Jamoat kitobi
- Hayit va jum'a namozlari
- Xotinning eriga itoatsizlik qilishi
- Namoz haqida oyat va hadislar
So'nggi maqolalar
- Mujohid ibn Jabr
- Abu Usayd Molik ibn Robia
- Xotib ibn Abu Balto
- Abon ibn Said
- Budayl ibn Varqo
- Abu Sa’laba Xushaniy
- Abu Umoma Bohiliy
- Abu Mahzura Jumahiy
- Abu Abs ibn Jabr Ansoriy
- Rofeʼ ibn Xudayj
- Zaydul Xoyr
- Ummu Kulsum binti Uqba
- Qays Ibn Sa’d
- Navfal ibn Horis
- Solim ibn Ubayd
- Ka’b ibn Zuhayr
- Mehron ibn Mofina
- Hanzala ibn Abu Omir
- Abdulloh ibn Muborak
- Qutayba ibn Muslim
2004-2024 © islom.ziyouz.com. Saytdan materiallar olib chop etilganda manzilimiz ko‘rsatilishi shart.