Abu Rayhon Beruniy

Abu Rayhon Beruniy (973-1048) - ulug‘ o‘zbek qomusiy olimi, uning «Hindiston», «Saydana», «Geodeziya» kabi asarlari jahonda tan olingan.

Bilimsiz kishilarning ko‘ngli xurofotga moyil bo‘ladi.
 
Odamlar bilmagan narsalariga dushmanlik ko‘zi bilan qaraydilar.
 
Yunon faylasuflari avom xalqi uchun emas, balki yuqori tabaqalari uchun usul va qoidalar ishlab chiqqanlar.
 
Donishmand   va   olimlarning   xulqlaridan   o‘rnak   olish   yaxshi   xulqni tiriltiradi, yomonni yo‘q qiladi.
 
Jo‘rttaga o‘z so‘zida turib olgan bilimsiz kishi bilan bahslashish na maqsad egasiga va na maqsadga biror foyda yetkazmaydi.
  
Har bir yangi narsada lazzat bor.
 
Bugunning chorasini ko‘rib, ertaga ehtiyoji qolmagan kishi aqllidir.
 
Ne’matning qadri u yo‘qolgandagina bilinadi.
 
Asalarilar ham o‘z jinsidan bo‘laturib ishlamay, uyadagi asalni bekorga yeb yotadiganlarini o‘ldirib tashlaydilar.
 
Minnat qilish berilgan ehsonni yo‘qqa chiqaradi.
 
Ikkala da’vogar rozi bo‘lishibdi-yu, qozi rozi bo‘lmabdi.
 
Har bir kun uchun haq va haqiqat hozir narsa.
 
Odamlarning tuban  darajalisi  ham  o‘zidan  tubanroq  bo‘lgan   birovga egalik va raislik qilishdan xoli emas.
 
Tenglik hukm surgan joyda sotqin, aldamchi ehtiroslar, g‘am-g‘ussa bo‘lmaydi.
 
Odamgarchiligi bor mard kishi o‘zidan va o‘ziniki ekanligiga hech kim tortishib o‘tirmaydigan narsadan boshqasiga egalik qilmaydi.
 
Ulug‘ hodisalar har vaqt yuz beravermaydi.
 
Buzuq niyatli va yomon axloqli kishilar o‘rtaga kirib olishi bilan ish to‘g‘ri bo‘lmaydi.
 
O’z istagiga erishishga taqdir yordam bermagan kishiga malomat qilinmaydi.
 
Odamlar yoqtirgan  kishilari tarafini olib, yomon  ko‘rgan  kishilarini ta’na qilishadi.
 
Komil narsa ortiqchalikni ham, kamchilikni ham qabul etmaydi.
 
Yolg‘onchilikdan chetlanib, rostgo‘ylikka yopishgan kishini boshqa odam u yoqda tursin, yolg‘onchining o‘zi ham sevib maqtaydi.
 
Ko‘z bilan ko‘rgan eshitgandan afzalroqdir.
 
Tillarning turlicha bo‘lishiga sabab - odamlarning guruhlarga ajralib ketishi, bir-biridan uzoq turishi, ularning har birida bir-biriga ehtiyoj tug‘ilishidir.
 
Hayvonlarning tabiatlarida kushandalaridan nafratlanish, dushmandan o‘zini qo‘riqlash bor.
 
Hasad bilan g‘azab ikki qanot bo‘lib harakatga kelsa, toza va chiroyli hayotlarni xira va kuduratli qilib yuboradi.
 
Haddan ortiq g‘azab vahshiylik keltiradi va bevaqt qilingan lutf obro‘ni ketkazadi.