Namozni qayta o‘qiydimi?

Savol: Masbuq, ya'ni jamoatga bir yoki ikki rakatdan keyin iqtido qilgan kishi imom bilanqo‘shilib salom berib yuborsa, namozni boshidan qayta o‘qishi lozim, deb eshitdim. Shuhaqdabatafsilroq ma'lumot bersangiz.

Javob: Masbuq adashib, imom bilan qo‘shilib salom berib yuborsa, namozi buzilmaydi. Agar qasddan imomga qo‘shilib salom bersa, namozi buziladi. Bu esa shunday farqlanadi: jamoat namoziga kechikib qo‘shilgani va qoldirgan rakatlarini o‘qishi lozimligi yodida bo‘lib, «Imom bilan qo‘shilib salom berish kerak», deb salom bersa, qasddan salom bergan bo‘ladi va namozi buziladi.

Agar qoldirgan rakatlari esida bo‘lmay, imomga qo‘shilib salom berib qo‘ysa va shu zahoti adashganini anglasa, turib qoldirgan rakatlarini o‘qiydi. Adashib salom berib qo‘yganidan keyin namozni buzuvchi amallar qilib qo‘ysa, namozni boshidan qayta o‘qiydi («Fatovoi Olamgiriyya»).

Dinda savolim bor