Muborak oy tuhfasi. 27-kun

Assalomu alaykum aziz dindoshim!
Bugun Ramazonning yigirma yettinchi kuni. Ayyomingiz xayrli o'tsin!

Bismillahir rohmanir rohiym.

Namozni mukammal ado etingiz va zakot beringiz! O'zingiz uchun nimaiki yaxshilik qilgan bo'lsangiz, uni Alloh huzurida topajaksiz. Albatta, Alloh qilayotgan amallaringizni ko'rib turuvchidir.

Ish noloyiq odamlarga topshirilganda qiyomat bo`lmog`ini kutaver.

Poklik kambag'allikni, shukr ne'matni,sabr baloni, halimlik ilmni, o'zini past tutish shogirdni, ko'p yig'lash Allohdan qo'rqishni, minnat qilmaslik ehsonni, hushu' namozni ziynatidir.

Qusayr ibn Ubayddan, roziyalloqu anqu: «Mo‘minlarning onasi Oyishaning, roziyallohu anho, ziyoratiga bordim. Menga: — Hozir, bir oz kutib tur, ko‘ylagimning shu yirtiq joyini tikib olay, so‘ng gaplashamiz, — dedilar. — Ey ummul mo‘minin, hozir shu ishingni odamlarga aytsam, seni xasisga chiqarishadi, — dedim. Oyisha, roziyallohu anho, shunday dedilar: — Bolam, aqlli bo‘l. Eskirgan kiyimlarini kiymagan kishi uchun yangi ko‘ylak yo‘qdir».