Muborak duo
Ummu Sulaym o‘g‘li Anasning Payg‘ambarimizga (sollallohu alayhi va sallam) xizmat qilishini, ta’lim olib, dinni o‘rganishini istadi. O‘sha vaqtlarda Anas o‘n yoshda edi. Ummu Salaym Payg‘ambarimizga (alayhissalom): “Bu mening yozuv-chizuvni biladigan o‘g‘lim”, dedi va Rasulullohdan (sollallohu alayhi va sallam) haqiga duo qilishlarini so‘radi. U zot: “Alloh, uning molini ham, zurriyotlarini ham ko‘paytirgin va unga bergan narsalaringni barakali qilgin”, deb duo qildilar. Anas o‘n yil Rasulullohning (sollallohu alayhi va sallam) xizmatida bo‘ldi.
Anas aytadi: Rasulullohga (sollallohu alayhi va sallam) o‘n yil xizmat qildim, u zot menga hech qachon “uf” demadilar, “Nima uchun buni qilding?” yoki: “Nima uchun buni qilmading?” deb tanbeh bermadilar (Termiziy rivoyati). Boshqa bir o‘rinda esa bunday hikoya qiladi: Rasululloh (sollallohu alayhi va sallam) odamlarning eng go‘zal xulqlisi edilar. Bir kuni ular meni bir ishga buyurdilar. Men esa “Allohga qasam, bormayman”, dedim. Lekin ichimda jon-jon deb turgandim. Keyin yo‘lga chiqdim. Bozorda o‘ynab yurgan bolalar oldidan o‘taturib, ularga qo‘shilib ketdim. Bir payt kimdir bo‘ynimga qo‘llarini qo‘ydi. Qarasam, Rasululloh (sollallohu alayhi va sallam) ekan. U zot kulib: “Ey Unays, men buyurgan ishga borib kelgin”, dedilar. Men: “Albatta borib kelaman, yo Rasululloh”, dedim (Imom Muslim, Abu Dovud rivoyati).
Anas ibn Molik uzoq umr ko‘rdi va sahobalardan eng oxirgi bo‘lib vafot etdi. Muborak duo barakotidan bolalari va nabiralari yuz nafardan oshib ketdi. Rasulullohdan (sollallohu alayhi va sallam) ikki ming ikki yuzdan ortiq hadis rivoyat qildi.
Yulduz Asqar qizi tayyorladi.
“Hidoyat”jurnalining 2012 yil, 9-sonidan olindi.
Ko‘p o‘qilgan
- Namoz o‘qish tartibi (rasmlari bilan)
- Peshin, asr, shom, xufton namozlari
- Qur'oni karim ma'nolari va qiroati
- Salovotlar. Istig'for duolari
- Namoz kitobi
- Najotkor duolar
- 6 diniy kalima
- Tahorat olish tartibi (rasmlari bilan)
- Azon
- Namozdan keyingi zikrlar
- Ro‘za kitobi
- G‘usl, tayammum
- Tahorat kitobi
- Namozdan so‘ng o‘qiladigan boshqa duolar
- Islomning o‘zagi bo‘lgan hadislar
- Payg’ambar alayhis-salomning vafot etishlari
- Jamoat kitobi
- Hayit va jum'a namozlari
- Xotinning eriga itoatsizlik qilishi
- Namoz haqida oyat va hadislar
So'nggi maqolalar
- Mujohid ibn Jabr
- Abu Usayd Molik ibn Robia
- Xotib ibn Abu Balto
- Abon ibn Said
- Budayl ibn Varqo
- Abu Sa’laba Xushaniy
- Abu Umoma Bohiliy
- Abu Mahzura Jumahiy
- Abu Abs ibn Jabr Ansoriy
- Rofeʼ ibn Xudayj
- Zaydul Xoyr
- Ummu Kulsum binti Uqba
- Qays Ibn Sa’d
- Navfal ibn Horis
- Solim ibn Ubayd
- Ka’b ibn Zuhayr
- Mehron ibn Mofina
- Hanzala ibn Abu Omir
- Abdulloh ibn Muborak
- Qutayba ibn Muslim
2004-2024 © islom.ziyouz.com. Saytdan materiallar olib chop etilganda manzilimiz ko‘rsatilishi shart.