Muhammad Bobur Mo’min
MARHABO YO SHAHRO RAMAZON!
Rajab, sha’bon bog’lari ichra,
Ifor to’la nasimlar yeldi.
Ne’matlarga to’lug’ mohimning
Tashrifidan mujdalar keldi.
Sog’inchlarning ayyomi bu on,
Marhabo, yo shahro ramazon1
Sendan erur Alloh rizosi,
Senda taqvoga yo’l barqaror.
Ming oydan ham a’loroq,
Qadr otlig’ zo’r kechang bor.
Qadamingga ko’zlar nigoron,
Marhabo, yo shahro ramazon1
Shukronalar O’zingga Rabbim,
Farzing uchun bo’laylik fido.
Kelgil ey baxt, kel saodat,
Qalb qo’ridin otilur nido,
Mushtoq dillar hajringda giryon.
Marhabo, yo shahro ramazon!
Tavba
Nadomat tulporin yeldek uchirib,
Yozuqlar yurtidan qaytmoqlik - tavba.
Najot dengizining qirg'oqlarida,
Allohga munojot aytmoqlik - tavba.
Tavba - fojirlikdan qutulgan, ozod,
Miskinning fig'onli zorlari betin.
Ozurda ruhlarga sokin harorat,
Tavba - o't-alanga, gunohlar o'tin.
Tavba - taqiq meva bo'g'zida qolgan,
Odam Atomizning o'tli faryodi.
Tavba - Momo Havvo tizzalarini,
Nam qilgan Vatanning feruza yodi.
Tavba - ummonlarni titroqqa solgan,
Hazrati Zunnundak dog'da yotmoqdir.
Tavba - shafaqlarning rangini olgan,
Sadpora Nasuxdek qonga botmoqdir.
Tavba - peshonasin sajdaga qo'ygan,
Bani Havozinning egik boshlari.
Tavba - soqolini yomg'irday yuvgan,
Hazrati Umarning marjon yoshlari.
Tavba - ellik kunlik iztirobdagi,
Ka'b ibn Molikning giryonlaridir.
Tavba - yetmish kasga tatigan anduh -
Juhayna ayolin sel qonlaridir.
Toki quyosh chiqar ekan mashriqdan,
Tavbaning qopqasi lang ochiq turgay.
Poklanmoq,chiqmoqlik iblis izmidan,
Mujrim bandalarga hidoyat surur.
Ogoh bo'ling! Olam mehrga ilhaq,
Muhsin qullariga Alloh madadkor,
Uqboda ummatim deya chorlagan,
Maqomi Mahmudning sohibi ham bor...
Ayo ahli giryon - yozuqlarga dor,
Ayo ahli taqvo, ahli istig'for,
Ayo ahli majid, ahli toyyiblar,
Ayo ahli sojid, ahli soyiblar.
Sizga Al- G'offarning kalomi bo'lsin,
Sizga At-Tavvabning salomi bo'lsin.
Muhammad Bobur Mo’min
Ko‘p o‘qilgan
- Namoz o‘qish tartibi (rasmlari bilan)
- Peshin, asr, shom, xufton namozlari
- Qur'oni karim ma'nolari va qiroati
- Salovotlar. Istig'for duolari
- Namoz kitobi
- Najotkor duolar
- 6 diniy kalima
- Tahorat olish tartibi (rasmlari bilan)
- Azon
- Namozdan keyingi zikrlar
- Ro‘za kitobi
- G‘usl, tayammum
- Namozdan so‘ng o‘qiladigan boshqa duolar
- Tahorat kitobi
- Islomning o‘zagi bo‘lgan hadislar
- Payg’ambar alayhis-salomning vafot etishlari
- Jamoat kitobi
- Hayit va jum'a namozlari
- Xotinning eriga itoatsizlik qilishi
- Namoz haqida oyat va hadislar
So'nggi maqolalar
- Mujohid ibn Jabr
- Abu Usayd Molik ibn Robia
- Xotib ibn Abu Balto
- Abon ibn Said
- Budayl ibn Varqo
- Abu Sa’laba Xushaniy
- Abu Umoma Bohiliy
- Abu Mahzura Jumahiy
- Abu Abs ibn Jabr Ansoriy
- Rofeʼ ibn Xudayj
- Zaydul Xoyr
- Ummu Kulsum binti Uqba
- Qays Ibn Sa’d
- Navfal ibn Horis
- Solim ibn Ubayd
- Ka’b ibn Zuhayr
- Mehron ibn Mofina
- Hanzala ibn Abu Omir
- Abdulloh ibn Muborak
- Qutayba ibn Muslim
2004-2024 © islom.ziyouz.com. Saytdan materiallar olib chop etilganda manzilimiz ko‘rsatilishi shart.