Ibn Sammok

Ibn Sammok - tobe’inlardan, Islom voizi va e’tiborli imom bo‘lgan, Xorun ar-Rashid unga ixlos qo‘ygan.

Allohni eslatuvchi qancha-qancha kishilar bor, lekin o‘zlari Allohni unutgan. Allohdan qo‘rqituvchi qancha-qancha kishilar bor, lekin o‘zlari Allohga gunoh qilishga jur’atli. Allohga yaqinlashtiruvchi qanchadan-qancha kishilar bor, lekin o‘zlari Allohdan uzoq. Alloh yo‘liga chaqiruvchi qancha-qancha kishilar bor, lekin o‘zlari Allohdan qochuvchi. Allohning oyatlarini o‘qiydigan qancha-qancha kishilar bor, lekin o‘zlari Allohning oyatidan tashqaridadirlar.

Orzu-havas qalbda bir ipdir, bir uchi oyog‘ingga bog‘langan. Qalbingdagi orzu-havasni chiqargin, oyog‘ingdagi bog‘ yechilsin.

Aqlli, odobli, diyonatli odam bilan do‘st tutinish kerak. Bunday go‘zal sifatlarga ega odam samimiy do‘st bo‘ladi. Samimiy do‘st hech vaqt seni unutmaydi, sendan yordamini ayamaydi, hojatingni ado etadi.