Barxurdor ibn Mahmud

Barxurdor ibn Mahmud (XVII-XVIII asrlar) - «Mahbub ul-qulub» asari muallifi, shoir.

Shirinso‘zlik va muloyimlik baloni qaytarishga qodir.

Har bir aql egasi sharmu hayo yo‘lida mustahkam turishni o‘z hayoti ravnaqining asosi qilib olsa, zamonaning katta-kichigi uning huzuriga va suhbatiga xaridor bo‘ladilar.

Haqiqiy farzand har bir sohada o‘z otasining hukmiga tobe bo‘ladi.

Shunday odamlar borki, muhabbat bo‘stonini oralab, uylanishga qadam qo‘ymaydilar va bu fayz bog‘ining gulzoridan gullar termaydilar, doimo g‘am uyida o‘zlari yakkayu tanho o‘tiradilar.

Shunday qizga sovchi qo‘ymoq kerakki, bu qizning chehrasi ochiq, yuzidan oliyjanoblik va iffat namoyon bo‘lsin, poklik va pokizalik pardasi orqasida tarbiyalangan, chiroyli ish va odatlarga o‘rgangan bo‘lsin. Bunday qiz eng yaxshi hadya bo‘lib, yoshlik va hayot dasturxonining lazzatini ziyoda qiladi.