Badiuzzamon

Hayot zavqini va lazzatini istasangiz, hayotingizni iymon ila hayotlantiringiz, farzand ila ziynatlantiringiz, haromlardan saqlanish ila muhofaza etingiz.

Ibodatning ruhi ixlosdir. Ixlos esa qilinajak ibodatning faqat amr etilgani uchun qilinmog‘idir. Agar boshqa bir hikmat va foyda ibodatga sabab etib ko‘rsatilsa, u ibodat botildir.

Adovat qilging kelsa, qalbingdagi adovatga adovat qilgin, uni daf etishga urin. Va senga eng ko‘p zarar yetkazadigan nafsi ammorangga va havoyi nafsingga adovat etgin, uni tuzatishga intil. O’sha zararli nafsni deb mo‘minlarga adovat etmagin.

Sening ustingda haq shuki, har so‘zlaganing rost bo‘lsin. Lekin har rostni so‘zlashga sening haqqing yo‘qdir. Har aytganing to‘g‘ri bo‘lishi shart. Lekin har to‘g‘rini aytish to‘g‘ri emas.