Kamtarlikning izzati va takabburlik la’nati
Agar baxt-saodat istasang, g‘urur, manmanlikdan yiroq bo‘l, hikmatli so‘zlarni sokinlik bilan tingla, takabburlik, adovat, ginachilikdan hazar qil. Qayg‘u-alamlar ustingga hujum etsalar, bu hujumlarga o‘z adabsizliging sababchidir.
Boylikdan kerilmoq - aqldan nari, Chunki u o‘tkinchi bulut singari.
To‘rt narsa - ya’ni, badfe’llik, badqovoqlik, takabburlik va dilozorlik kishiga xoru zorlik keltiradi.
O’z jig‘ildoni uchun ishlagan odam qornini to‘yg‘azib olgan molga o‘xshaydi. Haqiqiy odam insoniyat uchun ishlaydi.
Falokatga duchor bo‘lishni istamasang, mag‘rur va mutakabbir bo‘lma. Rohatda yashashni istasang, dilingni hirsdan pok qil. Xor-zorlikni istamasang, ta’magir bo‘lma.
O’lim qanchadan-qancha takabbur odamlarning boshlarini chuqurga, ya’ni qabrga uloqtirgan.
Takabburlik kaltabinlar va insoniylik tariqidan chiqqanlarning xislatidir.
Manmanlik va g‘urur botqoqligining quritilishi uchun bir murshidi komilning himmat va fayzi zarur.
Ayo odam, keksayib takabbur bo‘lma, u kattalarga teng bo‘la olmay, o‘zingni xorlikka solma.
Sendan uzr so‘rasalar, qabul et, uzr so‘rasa-yu qabul qilmagan kishi shaytondir.
Qabrlar oldida odob bilan tur.
Agar sening ko‘ngling bo‘lsa, ko‘ngil Ka’basini tavof ayla.
Kibrsizlik lofin urma, uni ko‘rmoqdan ko‘ra qorong‘u tunda chumolining izini ko‘rmoq osonroqdir.
Takabburga salom berma, salomga javob qaytarishi unga og‘irlik qiladi, javob bermagani esa senga og‘ir tuyuladi.
Takabburlikni qanchalik xursandlig-u shodlikka tomon aylantirishga urinsang ham, asli loy bo‘lganidan keyin kulol singari, ya’ni tuproqqa (loy ishlariga) qaytishi muqarrar.
Itoat vaqtida o‘zingni xor tut.
Ojizlikdan kelib chiqadigan kamtarlik fazilat emas.
Kamtarlikni tahqirlatish darajasiga tushirib yuborishdan asranmoq kerak.
Mansab bilan balandmas odam,
Mansab odam bilan muhtaram.
Alloh Adn jannatini yaratdi va unga qarab: «Sen jamiki takabburlarga haromsan!» dedi.
Insonning qalbiga kirgan kibr qancha bo‘lsa, aqli ham shuncha kamchilikka ega bo‘ladi.
Shaytonning bir talay tuzoqlari bor: Allohning ne’matlari bilan gerdaymoq, Allohning berganlari bilan maqtanmoq, Allohning bandalariga kibr-havo qilmoq, Allohning axloq asoslaridan chiqib, havoyi nafsga berilmoq shunday tuzoqlar jumlasidandir.
Kimki kerilib, o‘zidan mamnun-u mag‘rur bo‘lib yursa, u o‘ziga nisbatan boshqalarning nafratini keltiradi.
Kimki kekkayar manmanlik bilan,
Do‘stlari oxiri bo‘lishar dushman.
Mag‘rur odamning turishi xunuk.
Kibr va g‘ururdan uzoq bo‘l, kibr kishini el orasida xor, beqadr-u bee’tibor qiladi.
Shahvat tufayli qilingan gunohlar kechirilishiga umid qilsa bo‘ladi, chunki Odam alayhissalomning adashishi shahvatdan bo‘lgan edi. Ammo kibr tufayli qilingan gunohlarning avf etilishiga umid yo‘q, chunki shayton kibri sababli kechirilmas gunohga qoldi.
Osmon bo‘lsang, yerga egilmoq yaxshi,
Tuproq bo‘lsang, ko‘kka intilmoq yaxshi.
Kimda-kim «man-man» deb o‘zini baland tutsa, uni na xalq, na Alloh sevadi.
Yolvorish lazzati dunyoviy ne’mat emas, balki u jannat zavqlaridandir. Alloh u zavqni mahbublari uchun yaratgan. Har kas uni ololmas.
Ey mutakabbir banda, sen jannatga kirishni xayolingga ham keltirmagin. Chunki Iblis jannatdan kibru havosi tufayli haydalgan. Kibru havo qilgan insonlar jannatga kiritilmaydilar.
Hech bir musulmon o‘zidan boshqa musulmonni haqir va kichik deb bilmasin, chunki kichik ko‘ringan musulmon Allohning nazarida kattadir.
Kimki namozni shikasta dil va ojizlik bilan ado qilmasa, ibodati durust bo‘lmaydi.
Kimki o‘zini past olib kamtar tutsa, Alloh taolo uning qadrini baland va aziz qiladi.
Osmonga tupurgan kishining tupugi yuziga tushadi.
Najot ikki narsada: taqvo bilan niyatdadir. Halokat ham ikki narsada: umidsizlik va mag‘rurlanishda.
Kishining olim bo‘lishiga Alloh taolodan qo‘rqmog‘i, ilmsiz qolishiga esa amaliga mag‘rurlanishi kifoya qiladi.
Bir kishiga bulutlar soya solib yurardi. Buni ko‘rgan boshqa bir kishi: «Albatta, uning soyasida yuraman», dedi. Shunda haligi birinchi kishi o‘zicha mag‘rurlanib: «Mana bunga o‘xshashlar mening soyamda yuradi», deb o‘yladi. Vaqti kelib, ular ajrashganlarida soya ikkinchi kishi bilan ketdi.
Tavbangning to‘g‘ri bo‘lishi gunohingni bilish bilan, amalingning to‘g‘ri bo‘lishi mag‘rurlikdan voz kechishing bilan, shukringning to‘g‘ri bo‘lishi kamchiligingni bilishing bilandir.
Kechasi uxlab qolib, pushaymon holda tong ottirishim kechani uxlamay o‘tkazib, mag‘rurlanib tong ottirishimdan yaxshiroqdir.
Ilmda Alloh qo‘rquvsi kifoyadir. Jaholatda Allohning mulkida Unga qarshi g‘ururlanmoq kifoyadir.
Ilm hayo bilan kibr orasida yo‘q bo‘lib ketadi.
Alloh kitobini o‘rganib, bu dunyoda quturmay yashab o‘tganlar naqadar baxtiyor kimsalardir.
Kibru hasad bermas kishiga orom,
Odamni mensimay quvildi shayton.
Kimki o‘z fikriga mag‘rurlanib ish tutsa, yo‘ldan adashadi. Kimki o‘z aqliga suyanib, o‘zgalar bilan hisoblashmasa, xorlik tortadi.
Qiyomat kunida mutakabbirlar odamlar suratidagi mayda chumoli holatida keltiriladi. Ularni har tomonlama xorlik o‘rab oladi. Olovlardan bo‘lgan do‘zaxga yo‘naltiriladi hamda do‘zax ahlidan siqilgan suv bilan sug‘oriladi.
Tavoze’, ya’ni o‘zini past olishlik sharafli kishilarning ovidir. Har bir ne’matga hasad qilinadi, lekin tavoze’da hasad yo‘q.
Kibr kofirlarning va fir’avnlarning axloqidandir. Tavoze’ esa payg‘ambarlar va solihlarning axloqidandir. Chunki Alloh taolo kofirlarni kibr bilan sifatladi.
Ey salomatlikni, tinch va rohatda umr kechirishni istagan odam, odobga xilof so‘zlashdan, mag‘rurlik, takabburlikdan hazar qil. Hasad, ig‘vodan qalbing pok bo‘lsin.
Yolg‘onchilik, ezmalik, takabburlik, chaqimchilik izzat-obro‘ni barbod qiladi.
Manmanlik qilmang, o‘zingizni boshqalardan yuqori tutmang. To‘g‘ri so‘zlang, to‘g‘ri ishlang, ochko‘zlik va harislikdan uzoqda bo‘ling.
Mutakabbir bo‘lishdan o‘zingni saqla. Takabburlik - johillar odati, aqlli odamlar mutakabbir bo‘lmaydilar.
O’zingdan kuchsizlarning dillarini og‘ritma, ularga jabru jafo qilma, bir kun o‘zingdan kuchliroqning jabriga yo‘liqasan.
Buzuq devorlardan tashvish bor, lekin,
Siniq ko‘ngillardan ko‘proqdir tashvish.
Odamni ikki ish halok qiladi: biri - xalq orasida izzatli bo‘lishga intilmoq, ikkinchisi - kambag‘allikdan qo‘rqmoq. Har kishining ko‘ngli shikasta bo‘lsa, shayton uning yaqiniga yo‘lamaydi.
Kishida tavoze’ aqldan darak,
Ulug‘lik karamdan topadi bezak.
Jaloliddin Rumiy
Boylikdan kerilmoq - aqldan nari, Chunki u o‘tkinchi bulut singari.
Abdurahmon Jomiy
To‘rt narsa - ya’ni, badfe’llik, badqovoqlik, takabburlik va dilozorlik kishiga xoru zorlik keltiradi.
Ja’fari Sodiq
O’z jig‘ildoni uchun ishlagan odam qornini to‘yg‘azib olgan molga o‘xshaydi. Haqiqiy odam insoniyat uchun ishlaydi.
Abay Qo‘nonboev
Falokatga duchor bo‘lishni istamasang, mag‘rur va mutakabbir bo‘lma. Rohatda yashashni istasang, dilingni hirsdan pok qil. Xor-zorlikni istamasang, ta’magir bo‘lma.
Sayyid Ali Hamadoniy
O’lim qanchadan-qancha takabbur odamlarning boshlarini chuqurga, ya’ni qabrga uloqtirgan.
Abulqosim az-Zamaxshariy
Takabburlik kaltabinlar va insoniylik tariqidan chiqqanlarning xislatidir.
Husayn Voiz Koshifiy
Manmanlik va g‘urur botqoqligining quritilishi uchun bir murshidi komilning himmat va fayzi zarur.
Jaloliddin Rumiy
Ayo odam, keksayib takabbur bo‘lma, u kattalarga teng bo‘la olmay, o‘zingni xorlikka solma.
Yusuf Xos Hojib
Sendan uzr so‘rasalar, qabul et, uzr so‘rasa-yu qabul qilmagan kishi shaytondir.
Yusufiy
Qabrlar oldida odob bilan tur.
Umar ibn Xattob
Agar sening ko‘ngling bo‘lsa, ko‘ngil Ka’basini tavof ayla.
Jaloliddin Rumiy
Kibrsizlik lofin urma, uni ko‘rmoqdan ko‘ra qorong‘u tunda chumolining izini ko‘rmoq osonroqdir.
Abdurahmon Jomiy
Takabburga salom berma, salomga javob qaytarishi unga og‘irlik qiladi, javob bermagani esa senga og‘ir tuyuladi.
Husayn Voiz Koshfiy
Takabburlikni qanchalik xursandlig-u shodlikka tomon aylantirishga urinsang ham, asli loy bo‘lganidan keyin kulol singari, ya’ni tuproqqa (loy ishlariga) qaytishi muqarrar.
Abulqosim az-Zamaxshariy
Itoat vaqtida o‘zingni xor tut.
Umar ibn Xattob
Ojizlikdan kelib chiqadigan kamtarlik fazilat emas.
Abay Qo‘nonboev
Kamtarlikni tahqirlatish darajasiga tushirib yuborishdan asranmoq kerak.
Abbos Boqixonov
Mansab bilan balandmas odam,
Mansab odam bilan muhtaram.
Abdurahmon Jomiy
Alloh Adn jannatini yaratdi va unga qarab: «Sen jamiki takabburlarga haromsan!» dedi.
Vahb ibn Munabbah
Insonning qalbiga kirgan kibr qancha bo‘lsa, aqli ham shuncha kamchilikka ega bo‘ladi.
Muhammad ibn Husayn
Shaytonning bir talay tuzoqlari bor: Allohning ne’matlari bilan gerdaymoq, Allohning berganlari bilan maqtanmoq, Allohning bandalariga kibr-havo qilmoq, Allohning axloq asoslaridan chiqib, havoyi nafsga berilmoq shunday tuzoqlar jumlasidandir.
No‘mon ibn Bashir
Kimki kerilib, o‘zidan mamnun-u mag‘rur bo‘lib yursa, u o‘ziga nisbatan boshqalarning nafratini keltiradi.
Ali ibn Abu Tolib
Kimki kekkayar manmanlik bilan,
Do‘stlari oxiri bo‘lishar dushman.
Farididdin Attor
Mag‘rur odamning turishi xunuk.
Adib Sobir Termiziy
Kibr va g‘ururdan uzoq bo‘l, kibr kishini el orasida xor, beqadr-u bee’tibor qiladi.
Muhammad ibn Husayn
Shahvat tufayli qilingan gunohlar kechirilishiga umid qilsa bo‘ladi, chunki Odam alayhissalomning adashishi shahvatdan bo‘lgan edi. Ammo kibr tufayli qilingan gunohlarning avf etilishiga umid yo‘q, chunki shayton kibri sababli kechirilmas gunohga qoldi.
Sufyon Savriy
Osmon bo‘lsang, yerga egilmoq yaxshi,
Tuproq bo‘lsang, ko‘kka intilmoq yaxshi.
Mirzo Bedil
Kimda-kim «man-man» deb o‘zini baland tutsa, uni na xalq, na Alloh sevadi.
Ahmad Yugnakiy
Yolvorish lazzati dunyoviy ne’mat emas, balki u jannat zavqlaridandir. Alloh u zavqni mahbublari uchun yaratgan. Har kas uni ololmas.
Abu Homid al-G’azzoliy
Ey mutakabbir banda, sen jannatga kirishni xayolingga ham keltirmagin. Chunki Iblis jannatdan kibru havosi tufayli haydalgan. Kibru havo qilgan insonlar jannatga kiritilmaydilar.
Ali ibn Abu Tolib
Hech bir musulmon o‘zidan boshqa musulmonni haqir va kichik deb bilmasin, chunki kichik ko‘ringan musulmon Allohning nazarida kattadir.
Abu Bakr Siddiq
Kimki namozni shikasta dil va ojizlik bilan ado qilmasa, ibodati durust bo‘lmaydi.
Sufyon Savriy
Kimki o‘zini past olib kamtar tutsa, Alloh taolo uning qadrini baland va aziz qiladi.
Abul Hasan Bushnakiy
Osmonga tupurgan kishining tupugi yuziga tushadi.
Mahmud Qoshg‘ariy
Najot ikki narsada: taqvo bilan niyatdadir. Halokat ham ikki narsada: umidsizlik va mag‘rurlanishda.
Abdulloh ibn Mas’ud
Kishining olim bo‘lishiga Alloh taolodan qo‘rqmog‘i, ilmsiz qolishiga esa amaliga mag‘rurlanishi kifoya qiladi.
Masruq
Bir kishiga bulutlar soya solib yurardi. Buni ko‘rgan boshqa bir kishi: «Albatta, uning soyasida yuraman», dedi. Shunda haligi birinchi kishi o‘zicha mag‘rurlanib: «Mana bunga o‘xshashlar mening soyamda yuradi», deb o‘yladi. Vaqti kelib, ular ajrashganlarida soya ikkinchi kishi bilan ketdi.
Sha’biy
Tavbangning to‘g‘ri bo‘lishi gunohingni bilish bilan, amalingning to‘g‘ri bo‘lishi mag‘rurlikdan voz kechishing bilan, shukringning to‘g‘ri bo‘lishi kamchiligingni bilishing bilandir.
Umar ibn Xattob
Kechasi uxlab qolib, pushaymon holda tong ottirishim kechani uxlamay o‘tkazib, mag‘rurlanib tong ottirishimdan yaxshiroqdir.
Mutarrif ibn Abdulloh
Ilmda Alloh qo‘rquvsi kifoyadir. Jaholatda Allohning mulkida Unga qarshi g‘ururlanmoq kifoyadir.
Abdulloh ibn Mas’ud
Ilm hayo bilan kibr orasida yo‘q bo‘lib ketadi.
Abu Homid al-G’azzoliy
Alloh kitobini o‘rganib, bu dunyoda quturmay yashab o‘tganlar naqadar baxtiyor kimsalardir.
Iso ibn Maryam
Kibru hasad bermas kishiga orom,
Odamni mensimay quvildi shayton.
Mirzo Bedil
Kimki o‘z fikriga mag‘rurlanib ish tutsa, yo‘ldan adashadi. Kimki o‘z aqliga suyanib, o‘zgalar bilan hisoblashmasa, xorlik tortadi.
Muhammad Zehniy
Qiyomat kunida mutakabbirlar odamlar suratidagi mayda chumoli holatida keltiriladi. Ularni har tomonlama xorlik o‘rab oladi. Olovlardan bo‘lgan do‘zaxga yo‘naltiriladi hamda do‘zax ahlidan siqilgan suv bilan sug‘oriladi.
Ka’bul Axbor
Tavoze’, ya’ni o‘zini past olishlik sharafli kishilarning ovidir. Har bir ne’matga hasad qilinadi, lekin tavoze’da hasad yo‘q.
Urva ibn Zubayr
Kibr kofirlarning va fir’avnlarning axloqidandir. Tavoze’ esa payg‘ambarlar va solihlarning axloqidandir. Chunki Alloh taolo kofirlarni kibr bilan sifatladi.
Abu Lays Samarqandiy
Ey salomatlikni, tinch va rohatda umr kechirishni istagan odam, odobga xilof so‘zlashdan, mag‘rurlik, takabburlikdan hazar qil. Hasad, ig‘vodan qalbing pok bo‘lsin.
Jaloliddin Rumiy
Yolg‘onchilik, ezmalik, takabburlik, chaqimchilik izzat-obro‘ni barbod qiladi.
Junayd Bag‘dodiy
Manmanlik qilmang, o‘zingizni boshqalardan yuqori tutmang. To‘g‘ri so‘zlang, to‘g‘ri ishlang, ochko‘zlik va harislikdan uzoqda bo‘ling.
Abu Yazid Bastomiy
Mutakabbir bo‘lishdan o‘zingni saqla. Takabburlik - johillar odati, aqlli odamlar mutakabbir bo‘lmaydilar.
Farididdin Attor
O’zingdan kuchsizlarning dillarini og‘ritma, ularga jabru jafo qilma, bir kun o‘zingdan kuchliroqning jabriga yo‘liqasan.
Sa’diy Sheroziy
Buzuq devorlardan tashvish bor, lekin,
Siniq ko‘ngillardan ko‘proqdir tashvish.
Pahlavon Mahmud
Odamni ikki ish halok qiladi: biri - xalq orasida izzatli bo‘lishga intilmoq, ikkinchisi - kambag‘allikdan qo‘rqmoq. Har kishining ko‘ngli shikasta bo‘lsa, shayton uning yaqiniga yo‘lamaydi.
Suhayl ibn Abdulloh
Kishida tavoze’ aqldan darak,
Ulug‘lik karamdan topadi bezak.
Nosir Xisrav
Ey inson! Qalbingda zarracha kibr bo‘lsa, sen hali musulmonlikni tushunmabsan. Toat-ibodating Alloh huzurida maqbul bo‘lmaydi.
Muhammad Kamol Pilav
Sukut - insonning eng harir libosidir.
Umar ibn Xattob
Ko‘p o‘qilgan
- Namoz o‘qish tartibi (rasmlari bilan)
- Peshin, asr, shom, xufton namozlari
- Qur'oni karim ma'nolari va qiroati
- Salovotlar. Istig'for duolari
- Namoz kitobi
- Najotkor duolar
- 6 diniy kalima
- Tahorat olish tartibi (rasmlari bilan)
- Azon
- Namozdan keyingi zikrlar
- Ro‘za kitobi
- G‘usl, tayammum
- Tahorat kitobi
- Namozdan so‘ng o‘qiladigan boshqa duolar
- Islomning o‘zagi bo‘lgan hadislar
- Payg’ambar alayhis-salomning vafot etishlari
- Jamoat kitobi
- Hayit va jum'a namozlari
- Xotinning eriga itoatsizlik qilishi
- Namoz haqida oyat va hadislar
So'nggi maqolalar
- Mujohid ibn Jabr
- Abu Usayd Molik ibn Robia
- Xotib ibn Abu Balto
- Abon ibn Said
- Budayl ibn Varqo
- Abu Sa’laba Xushaniy
- Abu Umoma Bohiliy
- Abu Mahzura Jumahiy
- Abu Abs ibn Jabr Ansoriy
- Rofeʼ ibn Xudayj
- Zaydul Xoyr
- Ummu Kulsum binti Uqba
- Qays Ibn Sa’d
- Navfal ibn Horis
- Solim ibn Ubayd
- Ka’b ibn Zuhayr
- Mehron ibn Mofina
- Hanzala ibn Abu Omir
- Abdulloh ibn Muborak
- Qutayba ibn Muslim
2004-2024 © islom.ziyouz.com. Saytdan materiallar olib chop etilganda manzilimiz ko‘rsatilishi shart.