Nuh payg‘ambar kemasi qayerda?
Savol: Payg‘ambar Nuh alayhissalomning kemalari qaerdaligi haqida turli manbalarda turlichajavob berilgan. Shulardan qay biri haqiqatga yaqin?
Javob: Nuh alayhissalom o‘z qavmlarini butlarga emas, yolg‘iz Alloh taologa sig‘inishga chaqirdilar. Ammo itoatsiz qavm payg‘ambarning so‘zlariga quloq solmadi, aksincha, u zotni masxaraladi. Shunda Alloh taolo to‘fon balosini yuborib, bu kofir qavmning hammasini suvga cho‘ktirdi. Nuhga vahiy qilindi: «Bizning vahiy ta'limimiz bilan bir kema yasagin hamda zolim kimsalar haqida ularga najot berishimni so‘rab Menga xitob-iltijo qilmagin. Ular shak-shubhasiz g‘arq qilinguvchidirlar» (Hud surasi, 37-oyat). To‘fon balosidan Nuh alayhissalom kemalaridagi sanoqli kishilar va jonivorlargina qutqarilishdi.
Allohning hukmi bajarilib, yer yuzi nopoklardan tozalandi. Nuh alayhissalom kemalari bir yuz ellik kun mobaynida suvda suzib Arabiston yarim orolidagi Judiy tog‘ining ustida to‘xtadi. «(So‘ngra): «Ey Yer, suvingni yutgil, ey samo, o‘zingni tutgil (ya'ni, yog‘ishni bas qil)», deyildi. Suv quridi, farmon bajarildi va (kema) Judiy tog‘i uzra to‘xtadi hamda «Zolim qavmga halokat bo‘lgay», deyildi» (Hud surasi, 44-oyat).
Islom tarixchilari ushbu to‘fon balosi Bobil yerlarida (hozirgi Iroq hududida) ro‘y berganini, Dajla va Furot daryolari toshib, hamma yoq suvga g‘arq bo‘lganini yozishadi. Qur'oni karimda zikr etilganiday, Nuh alayhissalomning kemalari o‘sha yerdagi eng baland tog‘ Judiy ustida to‘xtagan. Arab tilida «Al-Judiy» eng baland cho‘qqi, yuksaklik, degan ma'nolarni bildiradi.
Turli manbalardagi bu mavzuga oid bir-biriga zid fikrlar va afsonalar Nuh alayhissalom kemalari boshqa joylardagi tog‘lar ustida to‘xtagan, degan asossiz gaplar tarqalishiga sabab bo‘lgan. Masalan, Tavrotda «Kema yettinchi oy o‘n yettinchi kunda Ararat tog‘larida to‘xtadi», deyilgan bo‘lsa, vavilonliklarning qissalarida u Nissir tog‘iga o‘rnashdi, deb yozilgan. Shumerlar Nuh alayhissalom kemalarini Gordion tog‘lariga, assiriyaliklar Nizar tog‘iga, hindlar Ximavatga, yunonlar esa Parnas tog‘iga «yo‘llashgan». Haqiqatga to‘g‘ri bo‘lgan xabar esa Qur'oni karimda bayon etilgan.
Dinda savolim bor
Ko‘p o‘qilgan
- Namoz o‘qish tartibi (rasmlari bilan)
- Peshin, asr, shom, xufton namozlari
- Qur'oni karim ma'nolari va qiroati
- Salovotlar. Istig'for duolari
- Namoz kitobi
- Najotkor duolar
- 6 diniy kalima
- Tahorat olish tartibi (rasmlari bilan)
- Azon
- Namozdan keyingi zikrlar
- Ro‘za kitobi
- G‘usl, tayammum
- Namozdan so‘ng o‘qiladigan boshqa duolar
- Tahorat kitobi
- Islomning o‘zagi bo‘lgan hadislar
- Payg’ambar alayhis-salomning vafot etishlari
- Jamoat kitobi
- Hayit va jum'a namozlari
- Xotinning eriga itoatsizlik qilishi
- Namoz haqida oyat va hadislar
So'nggi maqolalar
- Mujohid ibn Jabr
- Abu Usayd Molik ibn Robia
- Xotib ibn Abu Balto
- Abon ibn Said
- Budayl ibn Varqo
- Abu Sa’laba Xushaniy
- Abu Umoma Bohiliy
- Abu Mahzura Jumahiy
- Abu Abs ibn Jabr Ansoriy
- Rofeʼ ibn Xudayj
- Zaydul Xoyr
- Ummu Kulsum binti Uqba
- Qays Ibn Sa’d
- Navfal ibn Horis
- Solim ibn Ubayd
- Ka’b ibn Zuhayr
- Mehron ibn Mofina
- Hanzala ibn Abu Omir
- Abdulloh ibn Muborak
- Qutayba ibn Muslim
2004-2024 © islom.ziyouz.com. Saytdan materiallar olib chop etilganda manzilimiz ko‘rsatilishi shart.