Tahorat olishning o‘ziga xos tartib va odoblari bor ekan. Ular qaysilar?
Savol: Tahorat olishning o‘ziga xos tartib va odoblari bor ekan. Ular qaysilar?
Javob: Eng avvalo tahorat uchun toza suv topish kerak bo‘ladi. Suvlar shariat nuqtai nazaridan uch turlidir:
Birinchisi - tohir va tahur, ya'ni toza va toza etuvchi;
Ikkinchisi - tohir, lekin tahur emas;
Uchinchisi -harom.
Birinchi tur suvlarga tabiiy holidan o‘zgarmagan va biror narsa qo‘shilmagan daryo, dengiz, ko‘l, ariq, osmon va quduq suvlari kiradi. Bu suvlarga ular miqdoridan ko‘p bo‘lgan toza narsa aralashsa yoki oz bo‘lsa-da, qo‘shilishi bilan nomi o‘zgarsa (masalan, choy, qahva, sho‘rva), tahurlik sifati yo‘qoladi.
Ikkinchi tur suvga obi musta'mal, ya'ni ishlatilgan suv kiradi. Tahoratga ishlatilgan suv obi musta'mal bo‘lib, qayta ishlatishga yaroqsizdir. 10x10 ziro' hajmdan kam miqdordagi idish yo havzalardagi suvga ozgina najas tushishi bilan harom bo‘lib qoladi. Mazkur miqdordan katta hajmdagi idish yo havzalardagi suvlarga, oqar suvlarga ham najas tushib, uch sifati - ta'mi, hidi, rangidan birini o‘zgartirsa, bu suvlar harom, ishlatishga yaroqsiz bo‘ladi. Tahorat va g‘usl uchun faqat tohir va tahur bo‘lgan suvgina yaroqlidir.
Tahorat olish uchun shunday joy tanlash lozimki, quyilgan suv yerdan kiyim-boshga sachramasin. Zero, poklanish uchun tahorat qilaturib, kiyim-boshni bulg‘ab olish mantiqqa zid. Halo va istinjo qilgan joyda tahorat qilish yaramaydi. Yuzni qiblaga qilib tahorat olish odobdandir. Tahorat olishni boshlashdan avval ikki qo‘l yenglarini tirsaklardan o‘tkazib shimarib olish lozim. Niyat qilish va tasmiya («Bismillah...») aytish tahoratning sunnatlaridandir. Obdastada tahorat qilinsa, obdasta chap qo‘l bilan ushlanadi. Tahoratda misvok ishlatish ham sunnat amallardandir.
Tahorat qilishda bajarilishi lozim bo‘lgan amallar uzluksiz, ya'ni bir joyda, o‘rtaga boshqa ishlar qo‘shmay bajarilishi kerak.
Quyoshda isigan suv bilan tahorat qilish makruhdir. Oqar suvlardan tahorat qilinganda og‘iz va burun suvlari ariqqa tashlanmaydi. Tahorat qilishda behuda so‘zlarni so‘zlamaslik lozim.
Dinda savolim bor
Ko‘p o‘qilgan
- Namoz o‘qish tartibi (rasmlari bilan)
- Peshin, asr, shom, xufton namozlari
- Qur'oni karim ma'nolari va qiroati
- Salovotlar. Istig'for duolari
- Namoz kitobi
- Najotkor duolar
- Tahorat olish tartibi (rasmlari bilan)
- 6 diniy kalima
- Azon
- Namozdan keyingi zikrlar
- Ro‘za kitobi
- G‘usl, tayammum
- Tahorat kitobi
- Namozdan so‘ng o‘qiladigan boshqa duolar
- Islomning o‘zagi bo‘lgan hadislar
- Payg’ambar alayhis-salomning vafot etishlari
- Jamoat kitobi
- Hayit va jum'a namozlari
- Xotinning eriga itoatsizlik qilishi
- Namoz haqida oyat va hadislar
So'nggi maqolalar
- Mujohid ibn Jabr
- Abu Usayd Molik ibn Robia
- Xotib ibn Abu Balto
- Abon ibn Said
- Budayl ibn Varqo
- Abu Sa’laba Xushaniy
- Abu Umoma Bohiliy
- Abu Mahzura Jumahiy
- Abu Abs ibn Jabr Ansoriy
- Rofeʼ ibn Xudayj
- Zaydul Xoyr
- Ummu Kulsum binti Uqba
- Qays Ibn Sa’d
- Navfal ibn Horis
- Solim ibn Ubayd
- Ka’b ibn Zuhayr
- Mehron ibn Mofina
- Hanzala ibn Abu Omir
- Abdulloh ibn Muborak
- Qutayba ibn Muslim
2004-2024 © islom.ziyouz.com. Saytdan materiallar olib chop etilganda manzilimiz ko‘rsatilishi shart.