Tayammum kimlarga joiz?

Savol: Qanday vaziyatlarda tahorat va g‘usl o‘rniga tayammum qilishga ijozat berilgan?

Javob: Mujtahid olimlar oyati karima va tayammum haqida vorid bo‘lgan hadisi shariflardan quyidagi masalalarni istinbot qilib, kimga, qaysi hollarda tayammum qilish mumkinligini bayon etib berishgan.

Shularga ko‘ra:

- shahardan chiqib, to‘rt chaqirim uzoqlikkacha suv yo‘q joyda qolgan kishiga;

- cho‘lda bo‘lib, o‘zidagi suvni tahoratga sarflasa, o‘zi yoki ulovi tashna qolishidan xavfsiragan kishiga;

- suv ishlatsa, uni ishlatgani yoki harakati tufayli kasalligi kuchayishidan yoxud sog‘ayishi kechikishidan qo‘rqqan kishiga;

- yirtqich hayvon yoki dushman xavfi sababidan suvga yetisha olmagan kishiga;

- tahorat olgunicha janoza namoziga (mayyit egasidan boshqa kishilar) va ikki iyd namoziga ulgurishga ko‘zi yetmagan kishiga;

- suv bo‘lsa-yu, uni sotib olishga puli yo‘q yoki suv ikki barobar qimmatiga sotilgan paytdagi kishiga tayammum qilish joiz bo‘ladi.

Dinda savolim bor