Toq o‘tish mumkinmi?

Savol: Beva qolgan ayrim kishilar turmush qurishga imkoniyatlari bo‘la turib, negadir toq o‘tishadi. Bu haqda dinimizning qanday ko‘rsatmalari bor?

Javob: Shar'iy va tibbiy mone'lar bo‘lmagan holda toq o‘tish nojoizdir.

Faqirlarni juftlash boy musulmonlarning burchidir. Bu narsa iffatli va nomusli turmushning yagona yo‘li bo‘lib, jamiyatni axloqsizlikdan muhofaza qiladi. Qur'oni karimda shunday deyiladi: «O'z oralaringizdagi tul-bevalarni hamda qul va cho‘rilaringizning solihlarini uylantiringlar. Agar ular kambag‘al bo‘lsalar, Alloh O'z fazlu karami bilan boy-behojat qilur. Alloh (fazlu karami) keng, bilguvchidir» (Nur surasi, 32-oyat).

Bu oyati jaliladan murod Islom jamiyatida uzrsiz bo‘ydoq va bevalar bo‘lmasin, jinsiy istaklar faqat shar'iy yo‘llar bilan qondirilsin, demakdir.

Hazrat Umar (r.a.) shunday deydilar: «Uch kundan keyin o‘lishimni bilsam ham, bo‘ydoq o‘tishdan uylanmoqni afzal ko‘raman» (Suyutiy).

Dinda savolim bor